Samdi 21 Septam 2024 enn zour memorab pou mwa: mo’nn gagn mo bann sertifika Kour “Lir ek Ekrir Kreol Morisien” depi Liniversite Moris an kolaborasion avek Akademi Kreol Repiblik Moris, Mauritius Institute of Education ek Creole Speaking Union.
Depi le 11 Me 2024, mo’nn swiv de kour: enn kour fondasion ek enn kour perfeksionnman an administrasion. Mo’nn aprann lir ek ekir Kreol Morisien dapre lortograf ofisiel Repiblik Moris avek bann top profeser: Arnaud Carpooran, Yannick Bosquet, Béatrice Antonio-Françoise, Gaëlle Bass, Yani Maury, Tenusha Jundoosing, Melanie Pérès ek, biensir, Christina Chan-Meetoo. Mo’nn osi aprann listwar langaz Kreol dan lemond ek dan Moris, so linportans dan developman enn pei ek enn sosiete, etc.
Mo fier ki, apre boukou zefor ek de lexamin bien difisil, mo’nn gagn enn Sertifika avek Mansion Exselan dan Kour Fondasion ek enn Sertifika avek Mansion Exselan avek Diktinksion dan Kour Administrasion. Avek sa de sertifika ofisiel la depi Liniversite Moris, mo pare pou donn enn bon koudme pou developman nou zoli pei.
Mersi bann profeser ek mersi mo bann kamarad ki’nn swiv bann kour la avek mwa.
Leave a Reply